1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Cənubi Karolina (ABŞ) sakinləri ciddi təhlükə ilə üzləşiblər. Belə ki, beyin pozuntularının müalicəsi sahəsində apardığı tədqiqatlarla tanınan "Alpha Genesis" şirkətinin araşdırma mərkəzindən 40 təcrübə meymunu qaçıb.
Oxu.Az-ın "RİA Novosti"yə istinadla verdiyi məlumata görə, polis dərhal genişmiqyaslı axtarış işlərinə başlayıb və yerli sakinləri ehtiyatlı olmağa çağırıb.
Qeyd olunur ki, "Alpha Genesis" şirkəti klinik sınaqlar üçün xüsusi laboratoriyalarda saxlanılan meymunlardan istifadə edirlər. Lakin naməlum səbəblərdən onlarla primat azadlığa çıxmağı bacarıb. Bu, hökumətdə və əhali arasında ciddi narahatlıq yaradıb.
"Biz bütün sakinləri meymunların evlərə daxil olmasının qarşısını almaq üçün qapı və pəncərələri bağlı saxlamağa çağırırıq. Heç bir halda onlarla təmasa girməyə çalışmayın", - deyə yerli polisin nümayəndəsi xəbərdarlıq edib.
