Heydər Əliyev və Sıfır Atık Fondlarının COP29-dakı pavilyonu BELƏ OLACAQ - VİDEO

Noyabrın 11-dən 22-dək davam edəcək COP29 konfransının Yaşıl Zonasında Heydər Əliyev Fondunun və Türkiyənin Sıfır Atık Fondunun birgə təşkil etdikləri pavilyonun son görüntüləri yayımlanıb.

Bizim.Media xəbər verir ki, COP29-da Həmrəylik Mərkəzi (The Solidarity Hub at COP29) adı ilə təqdim olunan pavilyon iki fondun ətraf mühit və sosial məsuliyyət sahələri üzrə fəaliyyətlərini əhatə edir.

Qeyd edək ki, BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyası bir neçə gün sonra Azərbaycanda keçiriləcək. Bununla bağlı qərar ötən il dekabrın 11-də Dubayda keçirilən COP28 plenar iclasında qəbul edilib. Bu günə kimi COP29 üçün 67 min nəfər qeydiyyatdan keçib.


Bizim.Media

• Cop29
• Ekologiya
• Sosial Məsuliyyət
• Pavilyon
• Sıfır Atık Fondu