Sauna stressi azaldır və hipertoniyadan qoruyur - İsveç alimləri müəyyən ediblər ki, ayda bir neçə dəfə saunaya baş çəkmək psixi sağlamlığa əhəmiyyətli dərəcədə müsbət təsir göstərə və hipertoniya riskini azalda bilər.
E-saglam.az Qaynarinfo-ya istinadən xəbər verir ki, araşdırmanın nəticələri "International Journal of Circumpolar Health” jurnalında dərc olunub.
25-74 yaş arası 971 nəfərin iştirak etdiyi tədqiqat MONICA layihəsinin bir hissəsi olaraq 2022-ci ilin yazında başlayıb. Sauna terapiyasının faydaları ilə bağlı işlərin əksəriyyəti Finlandiyada aparılıb, lakin isveçli mütəxəssislər mədəni və milli amillərin nəticələrə necə təsir göstərə biləcəyini yoxlamaq qərarına gəliblər.
Əvvəllər Şərqi Finlandiya Universiteti və Jivaskila Universitetindən olan fin alimləri müəyyən ediblər ki, müntəzəm saunadan istifadə ürək-damar xəstəlikləri riskini azaldır və Altsheymer xəstəliyindən qorunmağa kömək edir. İsveçli tədqiqatçılar bu tapıntıları təsdiqləyən və genişləndirən məlumatlar toplayıblar. Ayda ən azı bir dəfə saunadan istifadə edən ayrı bir qrup tədqiqat iştirakçısı yüksək qan təzyiqindən daha az şikayət edib.
Alimlər sauna terapiyasının psixi sağlamlığa müsbət təsir etdiyini də müəyyən ediblər. Sauna istifadəçiləri prosedurdan sonra stress səviyyələrinin azaldığını və əhval-ruhiyyənin yaxşılaşdığını bildiriblər.
E-saglam.az
