"Barselona" və "Real" Tbilisi "Dinamo"sunun futbolçusu Saba Xarebaşvili ilə maraqlanırlar.
QOL.az xəbər verir ki, bu barədə AS nəşri məlumat yayıb. 16 yaşlı cinah müdafiəçisi bu mövsüm klubun heyətində 27 oyuna çıxaraq 2 qolun ötürməsini edib. Onun transfer dəyəri isə 300 min avrodur.
Qeyd olunur ki, Tbilisi "Dinamo"su İspaniya təşkilatı ilə tərəfdaşlıq qurub və Barselonada ofis açıb. Bu addım klubun gənc futbolçularının Avropada tanınmasında və böyük liqalara transfer olunmasında böyük rol oynayacaq.
