Noyabrın 12-nə keçən gecə Rusiya ordusu Zaporojye vilayətinə bir neçə hava zərbəsi endirib. Hücum nəticəsində insanlar hündürmərtəbəli binada təcrid olunmuş vəziyyətdə qalıblar.
Bu barədə RBC-Ukrayna Zaporojye vilayət administrasiyasının rəhbəri İvan Fedorovun Teleqramına istinadən məlumat yayıb.
O bildirib ki, saat 04:15-də rayon ərazisində partlayışlar olub. Monitorinq kanalları yazıb ki, həmin an düşmən təyyarələrinin aktivliyi qeydə alınıb.
Daha sonra saat 06:19-da Fedorov zərbələrin düşmən təyyarələri tərəfindən həyata keçirildiyi barədə məlumatı təsdiqləyib.
“Ruslar Zaporojye və Vasilkovski rayonlarında yaşayış binalarına bir neçə hava zərbəsi endiriblər”.
Onun sözlərinə görə, hücum nəticəsində iki nəfər hündürmərtəbəli binada qalıb. Onun verdiyi məlumata görə, xilasetmə əməliyyatı aparılır.
Oxuməni.az
