Hindistanın ən məşhur tarixi abidəsi olan Tac-Mahalı zəhərli bulud bürüyüb. Hindistanda havanın çirklənməsinin artması uçuşların təxirə salınmasına və görünmənin demək olar ki, sıfıra enməsinə səbəb olub.
News24.az xarici mediaya istinadən xəbər verir ki, televiziya görüntüləri Qızıl Məbəddə ibadət edənlərin sıx çirklilik buludunda və Tac-Mahalın duman içində olduğunu göstərir.
Qonşu Pakistanda Lahor dünyanın ən çirkli şəhəri siyahısına salınıb. Şəhər Hindistanın Pəncab və Haryana əyalətlərində qeyri-qanuni yanan küləşin təsiri ilə daha da pisləşən “qış dumanı” ilə üzləşib.
Dehlidə uçuşların 88 faizi və enişlərin 54 faizi görmə qabiliyyətinin aşağı olması səbəbindən gecikib.
Yüksək hava çirkliliyi, rütubət, aşağı külək və soyuq temperaturun birləşməsindən yaranan zəhərli duman Dehli beynəlxalq hava limanında görmə məsafəsini 300 metrə qədər azaldıb və uçuşların təxirə salınmasına səbəb olub.
Bölgədəki xəstəxanalar allergiya, öskürək və astma kimi əlamətlərlə müraciət edən xəstələrin, xüsusən də uşaqların sayında artım olduğunu bildirib.
Aynurə
