Olaylar.az xəbər verir ki, bu barədə xarici mediada məlumat verilir.
Hadisə 25 yaşlı Meri Şliasın itkin düşməsi ilə başlayıb. O, Minneapolisdən Çikaqoya avtostopla gedirdi. Bir müddət sonra onun cəsədi Viskonsin ştatının Dan qraflığında tapılıb, lakin istintaq dalana dirənib. Yalnız 50 il sonra, 7 noyabrda yeni DNT analizləri və genetik məlumat bazalarının köməyi ilə 84 yaşlı Con K. Miller tapılaraq həbs edilib.
Cinayət yerində tapılan saç nümunələri genetik genealoji vasitəsilə təhlil edilib. Ramapo Kollecinin mütəxəssisləri mövcud DNT bazalarından istifadə edərək Millerin qohumlarını aşkar edib və hüquq-mühafizə orqanları bu məlumat əsasında onu tutub.
Genetik ekspertiza qrupunun rəhbəri Devid Gerni bildirib ki, onların komandası oxşar hadisələrlə bağlı 17 dəlil toplayıb və 75 cinayətin açılmasına kömək edib. O, DNT testlərinin ədalətin bərqərar olması üçün əhəmiyyətini vurğulayıb.
