ABŞ Federal Aviasiya İdarəsi (FAA) ABŞ aviaşirkətlərinə bir ay müddətinə Haitiyə uçuşları müvəqqəti olaraq qadağan edib.
Qərar üç təyyarənin ölkənin paytaxtı Port-o-Prinsdəki hava limanında havaya qalxıb enərkən atəşə məruz qalmasından sonra verilib.
Hücumlar 2021-ci ildən bəri davam edən siyasi böhran fonunda şəhərin böyük hissələrinə nəzarət edən silahlı qruplar tərəfindən həyata keçirilib.
Hər üç hadisə noyabrın 11-də baş verib. İlk atəşə məruz qalan Spirit Hava Yolları olub: silahlılar atəş açan zaman təyyarə Port-o-Prins hava limanına eniş edib. Ekipaj üzvlərindən biri yaralanıb və pilotlar uçuşu qonşu Dominikan Respublikasına yönləndirmək qərarına gəliblər.Silahlı qruplar daha sonra Port-au-Prinsdən havaya qalxan American Airlines və JetBlue təyyarələrini atəşə tutub. Hər iki təyyarə təhlükəsiz şəkildə ABŞ-da eniş edib, lakin American Airlines təyyarəsi zədələnib.
Aytac
www.anews.az
