Alimlərin apardığı araşdırmalara görə, siqaret aludəliyi təkcə fiziki deyil, həm də mənəvi və emosional həyat keyfiyyətini təhdid edir. Xüsusilə yuxu keyfiyyətini pozur.
Siqaret ölümcül xəstəliklərə, xüsusən də xərçəngə səbəb olan ciddi bir asılılıq yaradan ictimai sağlamlıq problemidir. Hər il dünyada 7 milyondan çox insan siqaret səbəbindən ölür.
Ucnoqta.az xəbər verir ki, Nevrologiya mütəxəssisi Dos. Dr. Ülkü Figen Dəmir siqaretin yuxu keyfiyyətinə təsirlərinin uzun illərdir araşdırıldığını söyləyib:
"Siqaret çəkməklə yuxunun başlanması və saxlanması mənfi təsir göstərir, çünki nikotin kimi asılılıq yaradan kimyəvi maddələr bədənə daxil olur. Nikotin beyindəki kimyəvi maddələri stimullaşdırır, ayıqlığı artırır və insanın yuxuya getməsini çətinləşdirir".
Nikotinin bədəndə kortizol və adrenalin kimi stress hormonlarının ifrazını artırır: “Kortizol səviyyəsinin yüksəlməsi bədəndə stressin olduğunu göstərir.
Bu hormonların yüksək səviyyədə olması gecə boyu ayıqlıq hissini artırır, dərin və rahat yuxuya keçidi çətinləşdirir və bu da yuxunun keyfiyyətinə mənfi təsir göstərir.
Bütün bunlar yuxunun pozulmasına və dərin yuxu mərhələlərini kifayət qədər yaşaya bilməməsinə səbəb olur" – mütəxəsis dedi.
"Siqaret çəkmək yuxarı tənəffüs yollarının iltihabına və daralmasına səbəb olaraq xoruldama və yuxu apnesi riskini artırır. Yuxu apnesi yuxu zamanı tənəffüsün dayandırılması ilə xarakterizə olunan və yuxu zamanı tez-tez oyanmalara səbəb olan bir vəziyyətdir.
Siqaret çəkənlərdə yuxu apnesinin tezliyi çəkməyənlərə nisbətən əhəmiyyətli dərəcədə yüksəkdir. Bu, ümumi yuxu keyfiyyətini aşağı salan əhəmiyyətli bir faktordur".
Araşdırmalar göstərib ki, yuxu pozğunluğu təkcə siqaret çəkənlərdə deyil, siqaret tüstüsünə məruz qalan passiv siqaret çəkənlərdə də baş verə bilər. Xüsusilə yeniyetmələrin siqaret tüstüsünə məruz qalması yuxu keyfiyyətinin aşağı olması ilə əlaqələndirilib.
