ABŞ-də texnologiya nəhəngi "Microsoft"un bulud proqramları ilə bağlı araşdırmaya başlanılıb.
Bakıvaxtı.az xarici mediaya istinadla xəbər verir ki, Birləşmiş Ştatların Federal Ticarət Komissiyası "Microsoft"-un bulud biznesi təcrübələri ilə bağlı araşdırmaya başlayıb.
Belə ki, Komissiya "Microsoft"un bulud bazarında üstünlüyünü qorumaq üçün rəqabət əleyhinə üsullardan istifadə etdiyinə dair iddialar üzrə araşdırma başlatmağa hazırlaşır.
Komissiya "Microsoft"un müştəri məlumatlarının platformalarından köçürülməsini çətinləşdirmək üçün cəzalandırıcı lisenziyalaşdırma qaydaları tətbiq etdiyinə dair şikayətləri nəzərdən keçirir.
İddialara "Microsoft"un platformasını tərk etmək istəyən müştərilər üçün abunə qiymətlərini artırması, məhsullarını rəqabət aparan xidmətlərlə uyğunsuz hala gətirməsi və yüksək çıxış haqları tələb etməsi daxildir.
Əli Hüseynov
