“Mayk Tayson karyerasını hələ bitirmək istəmir”.
İdman.biz xəbər verir ki, bunu ağır çəkidə keçmiş mütləq dünya çempionu Mayk Taysonun nümayəndəsi bildirib.
Onun sözlərinə görə, Mayk hələ də döyüşmək istəyir: “Tayson növbəti görüşünü 2025-ci ildə keçirə bilər. Rəqibin seçilməsi ilə bağlı məsələni daha sonra nəzərdən keçirəcəyik”.
58 yaşlı Taysonun hesabında 50 qələbə (44-ü nokautla) və 7 məğlubiyyət var.
Qeyd edək ki, dünya çempionu dünən bloger Ceyk Pol ilə döyüşdə məğlub olub. 27 yaşlı Polun qələbəsi yekdilliklə (80-72, 79-73, 79-73) qeydə alınıb.
İdman.biz
