Müqavilə ilə İtaliyanın "Napoli" klubuna məxsus olan Viktor Osimhen hazırda icarə əsasında formasını geyindiyi "Qalatasaray"a transfer olunmaq istəyir.
Fanat.Az xəbər verir ki, məlumatı jurnalist Florian Plettenberq şəxsi "X" hesabı üzərindən belə çatdırıb:
"Nigeriyalı futbolçu İstanbulda özünü rahat hiss edir və azarkeşlərin sevimlisi olmaqdan məmnundur. Osimhenin komandada çoxlu dostları var. "Qalatasaray" 25 yaşlı hücumçunu gələn yay klubda saxlaya bilmək üçün ciddi səylər göstərir".
Qeyd edək ki, Osimhen cari mövsüm bütün turnirlərdə 9 matça çıxaraq 8 qol və 4 məhsuldar ötürmə ilə yadda qalıb. Onun Neapol klubu ilə müqaviləsinin müddəti 2026-cı ilin yayına qədərdir.
