Dueyn Conson
Hollivudda "Qaya" ləqəbi ilə tanınan aktyor Dueyn Consonun yeni çəkildiyi və baş rolda oynadığı "Missiya: Qırmızı" filmi ABŞ prokatında zəif bir başlanğıcla start götürüb.
Reyting.az-ın məlumatına görə, hadisələrin Milad bayramı ərəfəsində baş verdiyi, həmçinin döyüş və triller janrında çəkilən "Missiya: Qırmızı" adlı ekran əsəri uğurdan yan keçməklə, öz baxış sayına, həm də kassa gəlirinə görə Milad möcüzəsinə nail ola bilməyib.
Məşhur "Qaya" Dueyn Conson və Kris Evansın birlikdə baş rollarda çəkildikləri bu film cümə axşamı günü 3,7 milyon dollar gəlir əldə edib ki, bura həm də hər bazar gününün xüsusi nümayişlərindən yığılanödənişlər də daxildir.
Həftə sonuna yaxınlaşan 3 gün ərzində"Missiya: Qırmızı"-nın gəlirinin 33 milyon dollara çatacağı proqnozlaşdırılsa da, bu yeni film artıq bir həftədir ki, beynəlxalq kassalarda, eləcə də 75 regionda yüksək göstərici hesab edilməyən bir məbləğ - 36 milyon dollar toplayıb.
"RottenTomatoes"-də, yəni yeni filmlərin statistik reytinqində isə "Missiya: Qırmızı" filmi 34 faiz bal yığa bilib. Lakin bu faizlə də hesablaşmayan və yenicə ekranlara çıxan döyüş filmini sərt şəkildə tənqid edənlər bildiriblər ki, Dueyn Conson, həmçininekran əsəri üçün 34 faiz "ianə edilmiş çürük bal"-a bənzəyir.
Oqtay QORÇU
