Tennis üzrə ilin son böyük turnirinə yekun vurulub. İtaliyanın Turin şəhərində baş tutan yarışda Yannik Sinner qalib olub.
İtalyan tennisçi finalda Teylor Fritsi məğlubiyyətə uğradıb. Hər iki set 6:4 hesabı ilə bitib. Bununla da Sinner turnir ərzində bir set belə məğlub olmayıb.
Yekun turnirdə qələbəyə görə, Sinner 4,8 milyon dollar qazanıb. Bu, onun karyerasında Final turnirində ilk çempionluğu olub.
