İraq İslami Müqavimət Hərəkatına aid silahlı şiə silahlı dəstələri İsrailin cənubundakı hədəflərə hücum edib.
Editor.az TASS-a istinadla xəbər verir ki, bu barədə hərəkatın bəyanatında deyilib.
“İraq İslami Müqavimət Döyüşçüləri bu gün, 18 noyabr 2024-cü il bazar ertəsi, PUA-dan istifadə edərək, Eylat bölgəsində həyati əhəmiyyətli bir hədəfə hücum etdi”,- açıqlamada deyilib. Hərəkat nümayəndələri hədəflərin məhv edilməsi üzrə əməliyyatların “gedərək davam edəcəyini” vurğulayıblar.
Qeyd edək ki, oktyabrın sonunda İraq İslami Müqaviməti də İsraildəki “həyati” hədəflərə hücum elan etdi. Həmin vaxt hərəkat daxilindəki şiə birliyi ölkənin şimalında vəzifə yerinə yetirirdi. “İslam Müqaviməti” İraqdakı bütün iranpərəst şiə islamçı üsyançı qrupları birləşdirir. İdeoloji cəhətdən oxşar qruplardan ibarət bu şəbəkənin İran tərəfindən dəstəkləndiyi güman edilir. 2023-cü ilin oktyabrında onlar İraq, İordaniya və Suriyadakı ABŞ bazalarına raket və pilotsuz təyyarələr atmağa başladılar və nəticədə ABŞ hərbçilərinə yüngül xəsarətlər yetirildi. Üstəlik, 28 yanvar 2024-cü il tarixli hücum İordaniyada Amerika əsgərlərinin itkisi ilə nəticələndi.
//Gülnarə Abasova, Editor.az
