Ukrayna müharibə şəraitində belə, aşağı karbonlu və dayanıqlı gələcək qurmaq üçün qətiyyətli addımlar atır.
Bunu "Report"a açıqlamasında Ukraynanın ətraf mühitin mühafizəsi və təbii sərvətlər nazirinin müavini Viktoriya Kireyeva bildirib.
“Bu istiqamətdə atdığımız addımlar təkcə ölkəmizin deyil, həm də münaqişənin təsirinə məruz qalan digər regionlarda iqlim davamlılığına töhfə verə bilər. Biz müharibədən sonrakı bərpa prosesini iqlim davamlılığı ilə inteqrasiya edərək dayanıqlı inkişaf yolunda nümunə olmağı hədəfləyirik. Beynəlxalq əməkdaşlıq, xüsusilə maliyyələşdirmə və texnologiya transferi sahəsindəki dəstək, qlobal iqlim məqsədlərinə çatmağımız üçün mühüm əhəmiyyət kəsb edir”, - deyə nazir müavini əlavə edib.
