Ukraynanın avropalı müttəfiqləri ABŞ-ın yeni prezidenti Donald Trampın vəzifəyə başlamasından sonra Kiyevə dəstəyin dəyişə biləcəyindən narahatdırlar...
Poliqon xəbər verir ki, bu, Qərb rəsmilərinin CNN jurnalistlərinə müsahibələri zamanı məlum olub.
Onlardan biri bildirib ki, Trampın inauqurasiyası ərəfəsində Avropa ölkələrində "ümumi kollektiv nəfəs tutulması" hökm sürür. Onun sözlərinə görə, liderlərin əksəriyyəti ABŞ-ın yeni prezidentinin necə hərəkət edəcəyini hələ də anlamırlar.
NATO-nun mənzil-qərargahındakı əhval-ruhiyyə ilə tanış olan diplomat jurnalistlərə bildirib ki, Alyansın Trampın Ukraynaya dəstəyini davam etdirəcəyinə və sülh danışıqlarına nail olacağına inamı yoxdur. O, yaxın bir neçə ayın döyüş meydanında həlledici olacağına inanır.
"İndi proqnoz vermək çox təhlükəlidir. Biz ən yaxşısına ümid edirik", deyə Ukrayna kəşfiyyatının yüksək rütbəli əməkdaşı bildirib.
Təhlilçilər hesab edirlər ki, Trampın təklif etdiyi istənilən saziş cəbhə xəttinin dondurulmasını ehtiva edəcək və Ukrayna və Rusiya münaqişənin bərpasının qarşısını almaq üçün təhlükəsizlik zəmanəti verəcək və ya alacaqlar.
"Tramp seçildikdən sonra Ukraynanın gələcəyi ilə bağlı müzakirələr həddən artıq qızışıb", deyə Fransa Müdafiə Nazirliyinin nümayəndəsi jurnalistlərə bildirib.
Nəşr xatırladıb ki, Trampın ilk səlahiyyət müddətində Ukraynadakı nümayəndəsi olmuş Kurt Volker respublikaçının prezident kimi ilk addımının güc nümayişi olacağını demişdi. Onun sözlərinə görə, ABŞ-ın yeni prezidenti Rusiya lideri Vladimir Putini Ukraynadakı müharibəni dayandırmağa məcbur etmək istəyir.
Bundan əlavə, Volker hesab edir ki, Tramp pulsuz yardım göstərməkdənsə, Ukraynaya kredit verməyə üstünlük verir: "Onun bunu sıfıra endirəcəyinə əmin deyiləm. İnanıram ki, bu, kredit-icarə proqramı olacaq".
Nəşr onu da qeyd edib ki, Almaniya kansleri Olaf Şoltsun Putinə bu yaxınlarda etdiyi çağırış NATO-nun aparıcı liderləri tərəfindən Kreml rəhbərinin az qala iki ilə yaxın təcrid olunmasına son qoyub. Bu qərar bəzi Avropa liderlərinin hiddətinə səbəb olub.
"Almanların Putinlə danışması Ukraynanın müttəfiqləri arasında yaxşı qarşılanmayacaq. Putinə bu müsbət impulsun verilməsi fransızlar və digərləri arasında qıcıq yaradacaq", deyə avropalı rəsmi vurğulayıb.
Alman Beynəlxalq Münasibətlər Şurasının tədqiqatçısı Alona Yepifanova jurnalistlərə bildirib ki, Şolts seçicilərin səsini almaq üçün seçki kampaniyasına sülhpərvər kimi daxil olur. O hesab edir ki, bu addım kanslerin öz partiyasında rəğbət qazana bilər, amma əks halda bu, Ukrayna üçün çox pisdir.
Poliqon.info
