Türk ulduz Arda Gülerin "Real"dan ayrılacağı ilə bağlı xəbərlər yayılmağa davam edir.
Offsideplus.az xəbər verir ki, "kral klubu"nun prezidenti Florentino Perez məsələyə aydınlıq gətirib. "Defensa Central"ın məlumatına görə, Perez irəli sürülən iddialara belə cavab verib:
"Arda qış "transfer pəncərəsi"ndə başqa komandaya getməyəcək, burda qalacaq. Bu mövzuda heç bir şübhə yoxdur".
Qeyd edək ki, Güler Madrid təmsilçisinin forması ilə 2024/25 mövsümündə 12 matçda meydana çıxıb və cəmi 307 dəqiqə oynayıb. Həmin qarşılaşmalarda fərqlənməyi bacarmayıb.
