Azərbaycan millisinin baş məşqçisi Fernandu Santuş İsveç yığmasına qarşı keçirdikləri Millətlər Liqasının oyunundan sonra baş tutan mətbuat konfransında görüşü şərh edib.
Fanat.Az xəbər verir ki, portuqaliyalı çalışdırıcı böyük hesabla uduzduqları matç barədə belə danışıb:
"İndiyə qədər olan oyunlarda doğru yolda olduğumuzu deyirdim. Amma bugünkü görüş barədə bunu deyə bilmərəm. Məğlubiyyətdəki məsuliyyəti öz üzərimə götürürəm. Komandanın taktiki sxemini mən düzəldirəm və futbolçuları heyətə cəlb edən mənəm. Baxamayaraq ki, görüşə yaxşı hazırlaşmışdıq. Düşünürdüm ki, ön xətdə iki sürətli futbolçumuzun xidmətindən yüksək səviyyədə yararlana bilərik. Təəssüf ki, bu, bizdə alınmadı. Bu görüş mənim üçün dərs oldu. Öz üzərimizdə çox çalışmalıyıq. Mən məsuliyyəti başqa şəxslərin üzərinə atan məşqçilərdən deyiləm. Böyük hesabla uduzmuşuqsa, məsuliyyət mənə aiddir".
Qeyd edək ki, "Friends Arena"da baş tutan C Liqasının son matçında Azərbaycan yığması səfərdə İsveçə 0:6 hesabı ilə uduzub.
