1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Ferrari" komandasının "Formula 1" pilotları Şarl Lekler və Karlos Sayns markanın yeni flaqman modeli olan F80-i sınaqdan keçiriblər.
Oxu.Az xəbər verir ki, bu barədə championat.com məlumat yayıb.
Pilotlar "Ferrari"yə məxsus olan və şirkət tərəfindən sınaq meydançası kimi istifadə edilən Fiorano trası ətrafında bir neçə dövrə vurublar.
Qeyd edək ki, "Ferrari F80" 2024-cü il oktyabrın ortalarında təqdim edilib və italyan markasının ən güclü yol avtomobilidir. Superkarın kapotu altında 883 kVt (1 200 at gücü) gücündə üç litrlik hibrid mühərrik yerləşdirilib. Avtomobil 100 km/saat sürəti 2,15 saniyəyə yığır, maksimal sürəti isə 350 km/saatı ötür.
