Bir neçə gün sonra 2024-cü ilin son ayına, sevgi dolu dekabr ayına qədəm qoyuruq. Yeni il ab-havası isə yavaş-yavaş ölkədə hiss olunmağa başlayır. Yeni ilin üç əsas simvolu varsa, onlardan biri şam ağacları, el dilində desək, yolkadır.
Hazırda satışda olan yolkaların qiymətləri necə dəyişir? News24.az yolkaların qiymətlərini araşdırıb.
Görək, insanlar Yeni ilin bu atributunu almaq üçün nə qədər pul xərcləməlidir?
Ucuz süni şam ağaclarının qiymətləri, ölçüsündən asılı olaraq, 8 manatdan başlayır. 11, 15, 23, 35 AZN-ə satılan şam ağacları da var. Qarşılaşdığımız ən hündür şam ağacı 220 santimetr uzunluğunda idi. Onun qiyməti isə 300 manatdır.
Satıcılar bildirir ki, 1 metr 20 sm hündürlüyündə olan şam ağacını və onun bəzəklərini almaq üçün 65-75 manata yaxın vəsait tələb olunur.
Digər satış məntəqəsində isə qeyd ediblər ki, bu ağacın maya dəyəri heç 50 manat belə deyil.
Ancaq satıcılar 80-120 santimetr ölçülərində olan yolkaları tövsiyə edir. Bəzək əşyaları ilə birlikdə uyğun mağazadan alındıqda, bu yolkaların qiyməti 35-45 manat arasında dəyişir.
Qeyd edək ki, dekabrın ilk həftəsindən sonra yolkaların qiymətləri daha stabil olacaq.
Ağa Dadaşzadə
