Hindistanlı neyrocərrah Arun Naik gözəllik salonlarında saç yuyularkən boynunu çox arxaya əyməyin iflicə səbəb ola biləcəyi barədə xəbərdarlıq edib.
O, yüksək təzyiq, şəkər və ya boyun problemi olan insanların daha çox risk altında olduğunu qeyd edib.
A. Naikin sözlərinə görə, boyunun həddindən artıq arxaya əyilməsi boyundakı damarların zədələnməsinə səbəb ola bilər.
Bu vəziyyət beyinə qan axınına maneə törədə, insult kimi ciddi sağlamlıq problemlərinə səbəb ola bilər.
Həkim vurğulayıb ki, saçı bu cür yumaq daha yüngül hallarda başgicəllənmə, bulanıq görmə, yuxululuq və nitq pozuqluğu kimi problemlərə yol aça bilər. /Musavat.com/
