İspaniya çempionatında noyabr ayının ən yaxşı məşqçisi mükafatına namizədlərin adları açıqlanıb.
90deqiqe.Az La Liqanın mətbuat xidmətinə istinadən məlumatına görə, mükafata iddialılar arasında Dieqo Simeone (“Atletiko”), Mişel Sançes (“Jirona”) və İmanol Alquasil (“Real Sosyedad”) var.
"Barselona"nın baş məşqçisi Hans-Diter Flik oktyabrda La Liqanın ən yaxşı məşqçisi seçilib.
Keçirilən 13 oyunun nəticəsinə əsasən, İspaniya çempionatının turnir cədvəlində “Atletiko” üçüncü, “Real Sosyedad” səkkizinci, “Jirona” isə onuncu pillədə qərarlaşıb. Bu komandaların hər biri noyabrda iki qələbə qazanıb. Xüsusilə, noyabrın 10-da “Real Sosyedad” öz meydanında çempionatın lideri “Barselona”ya qalib gəlib (1:0).
