1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Meşələr yerdəki həyatın mərkəzidir. Onlar iqlimi sabitləşdirir, biomüxtəlifliyi dəstəkləyir və milyonlarla insan üçün vacib resursları təmin edir. Onlar, həmçinin hər il milyard ton karbon qazını udurlar. Eyni zamanda, meşələr ciddi problemlərlə üzləşir".
Oxu.Az xəbər verir ki, bunu ekologiya və təbii sərvətlər nazirinin müavini Umayra Tağıyeva "COP29 çərçivəsində COP sədrliyi ilə birgə BMT-nin meşə fondunun birgə təşkilatçılığı ilə meşələrin mühafizəsi və meşələrin mühafizəsində iqlim maliyyələşməsinin rolu ilə bağlı yüksək səviyyəli görüş"ündə deyib.
O bildirib ki, iqlim dəyişikliyi meşə yanğınları, zərərvericilər və xəstəliklər vasitəsilə meşələri daha da zəiflədir:
"Biz meşələr üçün iqlim maliyyəsini səfərbər etməliyik. Karbon bazarları, ekosistem xidmətləri üçün ödəniş, ətraf mühitin mühafizəsi üçün borcun restrukturizasiyası və mühafizənin nəticələri üçün nəticələrə əsaslanan ödənişlər kimi innovativ maliyyələşdirmə mexanizmləri həyati əhəmiyyət kəsb edir. Bu alətlər meşələrin qorunması və bərpası üçün lazım olan resursların açılmasında mühüm rol oynayır".
"Bundan əlavə, inteqrasiya olunan maliyyə modelləri, meşə təsir fondları və özəl-dövlət tərəfdaşlıqları investisiyaları sürətləndirə bilər. Biz bu həll yollarını genişləndirmək, maliyyə boşluqlarını aradan qaldırmaq və resursların onlara ən çox ehtiyacı olan icmalara və ekosistemlərə çatmasını təmin etməliyik. Həmçinin biz məlumat mübadiləsi və meşə maliyyələşdirilməsi ilə bağlı biliklərin idarə edilməsi üçün qlobal arxitekturanı gücləndirməliyik. Meşələrin maliyyələşdirilməsi imkanları, biliklərin mübadiləsi və ən yaxşı təcrübələr üçün qlobal mərkəz qurmaqla biz şəffaflığı artıra, əməkdaşlığı gücləndirə və təsirli fəaliyyət göstərə bilərik".
Mərahim Nəsib
