Ukrayna hakimiyyəti Qərb tərəfdaşlarının 300-dən çox şərtini özündə əks etdirən “islahat matrisini” təsdiqləyib.
NOCOMMENT.az xəbər verir ki, bu barədə Ukraynanın Baş naziri Denis Şmıqal öz Telegram kanalında məlumat verib.
“Bu gün biz Dünya Bankı ilə birlikdə “İslahat Matrisi”ni təqdim etdik. Bu, tərəfdaşların bütün təsdiq edilmiş tövsiyələrini ehtiva edən dəyişiklik planıdır. Təkcə cari il üçün bunlar 300-dən çox şərt və 500-dən çox göstəricidir”, – deyə o vurğulayıb.
Baş nazirin sözlərinə görə, əsas addımlardan biri dövlət investisiyalarının idarə edilməsində islahatların aparılmasıdır. Planlara həmçinin münaqişə bitdikdən sonra qanunun təkmilləşdirilməsi və biznesin təkmilləşdirilməsi daxildir. Şmıqal qeyd etdi ki, “islahat matrisi”nin üçüncü istiqaməti enerjidir. Hazırda ölkə hakimiyyəti alternativ enerji mənbələrinin artırılmasına və enerji sisteminin qeyri-mərkəzləşdirilməsinə yönəlib.
