İslandiyada vulkan püskürməsinin görüntüləri yayımlanıb - VİDEO

İslandiyanın Reykyanes yarımadasındakı vulkan bu il 7-ci dəfə püskürür.

Qaziler.az Euronews-a istinadən xəbər verir ki, Milli Meteorologiya İdarəsi hesab edir ki, vulkanın aktivliyi əvvəlki avqustda, eləcə də may ayında baş verənlərlə müqayisədə xeyli aşağıdır.

Püskürmə çərşənbə günü yerli vaxtla günorta radələrində başlayıb və təxminən üç kilometr uzunluğunda çatın əmələ gəlməsinə səbəb olub.

Vulkanın püskürməsi hava səyahətləri üçün təhlükə yaratmasa da, səlahiyyətlilər yaxınlıqdakı Qrindavik şəhəri də daxil olmaqla yarımadanın bəzi hissələrinə qaz yayılması barədə xəbərdarlıq ediblər.

RUV-nin məlumatına görə, Mülki Müdafiə Agentliyinin həyəcan təbili çalmasından sonra 50 evin sakinləri, eləcə də məşhur Blue Lagoon kurortuna gələnlər təxliyə edilib.

Paytaxt Reykyavikdən təqribən 50 kilometr cənub-qərbdə, 3800 əhalisi olan Qrindavik yaxınlığında təkrarlanan vulkan püskürməsi infrastruktura və əmlaka ziyan vurub, bir çox sakini təhlükəsizlik səbəbi ilə başqa yerə köçməyə məcbur edib.

QAZÄ°LER.AZ