Rusiyanın Ukraynadakı münaqişədə “Oreşnik” orta mənzilli ballistik raketindən istifadə etməsi qorxulu eskalasiyadır. AFN.az xarici mediaya istinadən xəbər verir ki, bunu Almaniya kansleri Olaf Şolz deyib.“Son eskalasiya bizə bu müharibənin nə qədər təhlükəli olduğunu göstərir. Putin Ukrayna ərazisini vurmaq üçün orta mənzilli raketlərdən istifadə edib. Şimal Koreya qoşunlarının əvvəllər aşkarlanmış iştirakı kimi, gərginliyin artması qorxuludur”, - deyə Şolz bildirib.Bununla belə, siyasətçinin sözlərinə görə, Almaniya hələ də Ukraynaya uzaqmənzilli “Taurus” raketləri təmin etməyəcək və Kiyevə silahlarından Rusiya ərazisindəki hədəfləri vurmaq üçün istifadə etməyə icazə verməyəcək.
