Koreya dramları həmişə yüksək standartlara uyğun istehsal edildiyi və müxtəlif aspektləri əhatə etdiyi üçün bütün dünyada pərəstişkarlarının sayı artır. Eyni zamanda koreyalı aktyorların aldığı qonorarların miqdarı da durmadan yüksəlir.
Hafta.az olaraq bu yazıda tamaşaçıların rəğbətini qazanmış, eyni zamanda yüksək gəlir əldə etmiş koreyalı aktyorlar haqqında məlumat paylaşırıq.
Kim Su-hyun
Kim Su-hyun, hər epizoda 423 min dollar alır. Aktyor artıq Asiya xalqları arasında tanınırdı, lakin 2024-cü ildə çəkilən "Göz yaşları kraliçası" dramı ona çoxlu yeni pərəstişkarlar gətirdi və Koreya kinosunun parlaq simvolu statusunu möhkəmləndirdi. Bundan əlavə, Kim son üç ildə ekranlardan itib və bir çox izləyicilər onun üçün darıxıb. Ona görə də yeni serialın premyerası səs-küylü şəkildə keçdi.
Li Jonq-jae
Li Jonq-jae hər epizoda 248 min dollar qanorar alır. Aktyor Cənubi Koreya kino dünyasına illər əvvəl qədəm qoysa da, onun dünya miqyasında populyarlaşmasına səbəb 2021-ci ildə Netflix tərəfindən lentə alınan "Squid Game" olub. Li Jonq-jae bir neçə nüfuzlu mükafat qazanıb və müxtəlif brendlər ona müqavilə təklif ediblər. Dünyada milyonlarla pərəstişkarının səbirsizliklə gözlədiyi serialın ikinci sezonunda Li Junq-jae görünəcəyi üçün aktyora tələbat bu gün də artmaqda davam edir.
Sonq Junq Gi
Sonq Junq Ginin hər epizod üçün aldığı qanorarın məbləği 228 min dollardır. Məşhur koreyalı aktyorlardan biri Sonq Junq Gi 2012-ci ildə "Qurd balası" trillerində baş rolu oynayıb və böyük uğur qazanıb. Bu müddət ərzində o, Forbes-in 40 ən nüfuzlu koreyalı məşhurlar siyahısına altı dəfə, dörd dəfə isə ilk onluğa daxil olub.
Hyun Bin
Hyun Bin epizod başına 113 min dollar qanorar alır. Əsl adı Kim Ta Fion olan aktyor Koreya televiziya tarixinin ən yüksək reytinqli dramlarından olan “Love's Crash Landing” serialının ulduzudur. Hyon Bin uzun illərdir ki, ən çox maaş alan koreyalı aktyorlardan biridir. Məlumata görə, mediaya yalnız on il əvvəl çəkdiyi filmin qonorarının məbləği bəlli olduğu üçün son illərdə gəlirləri arta bilər.
Li Min Ho
Li Min Ho hər epizod üçün 80 min dollar qazanır. Li Min Ho “Madam Tüsso”da mumheykəli olan ilk koreyalı ulduzdur. İnstaqram sosial şəbəkəsində onu 35 milyondan çox izləyici izləyir. Bu, koreyalı aktyorlar arasında rekorddur. Bu gün Li Min Ho kino və seriallarda aktiv olmağa davam edir. Eyni zamanda sosial media və brend reklamları vasitəsilə yaxşı gəlir götürür.
