Volkswagen Qrupunun "qanadları" altında olan Volkswagen (VW) markasının baş direktoru Tomas Şefer (Thomas Schaefer) verdiyi müsahibəsində xərcləri 4 milyard avro azaltmaq üçün işçilərin ixtisarının və zavodların bağlanmasının zəruri olduğunu bildirib.
Marja.az xəbər verir ki, Şeferin açıqlamaları dekabr ayından bəri davam edən işçilərin həmkarlar ittifaqları ilə mübahisəsini daha da dərinləşdirib. Həmkarlar ittifaqları bu yaxınlarda avtomobil istehsalçısını tətillə hədələyiblər və şirkətdən əməkhaqqı ilə bağlı davam edən danışıqlarda həm zavodların bağlanması, həm də böyük ixtisarın daxil olmadığı həllər təklif etməyi tələb ediblər.
Schaefer açıqlamasında deyib:
"Həll yolu istehsal gücü və xərcləri azaldılmalıdır. Biz bu problemi müvəqqəti həll yolu ilə təxirə sala bilmərik, çünki bu, ciddi şəkildə geri qayıdacaq və gələcəkdə bizi çətin vəziyyətə salacaq."
“Bu proses çox uzun vaxt aparacaq. Həmçinin 2035-ci ilə qədər təxirə salınmasının mənası yoxdur. O vaxta qədər rəqiblərimiz artıq bizi geridə qoymuş olacaqlar" deyən Şefer, VW-də yenidənqurma prosesinin 3-4 il ərzində tamamlanmalı olduğunu qeyd edib.
Volkswagen işçilərin ixtisarı və zavodların bağlanması ilə yanaşı, cari müzakirələrin əsas maddələrindən biri olan VW AG bölməsinin işçilərindən maaşlarının 10 faiz azaldılmasını da tələb edir.
Şefer, Avropada tələbin qısa müddətdə ciddi bir canlanma göstərməsinin gözlənilmədiyini qeyd edib. O, həmçinin bildirib ki, Volkswagen-in Almaniyadakı zavodlarında işçi qüvvəsi xərcləri rəqibləri və şirkətin Cənubi və Şərqi Avropadakı zavodlarından təxminən iki dəfə yüksəkdir.
Volkswagen səyləri 7,5 milyard avro mənfəət təmin edəcək
Davam edən xərclərin azaldılması səylərinin təxminən 7,5 milyard avro mənfəətlə nəticələndiyini bildirən Şefer, əlavə 4 milyard avroya qənaət edilməsi lazım olduğunu bildirib. O, şirkətin Almaniyadakı zavodlarının bağlanmaması üçün hələlik heç bir şans görmədiyini və potensial bağlanmaların təkcə avtomobil istehsal müəssisələrini deyil, həm də komponent istehsal müəssisələrini əhatə edə biləcəyini bildirib.
