Hollivud ulduzu İdris Elba məşhur animasiyanın yeni adaptasiyasının heyətinə qatılır.
Hafta.az-ın “Deadline”a istinadən yazdığına görə, Elba amerikalı kinorejissor Travis Naytın çəkəcəyi “Masters of the Universe” filmində iştirak etməyə hazırlaşır. 52 yaşlı ulduz “He-Man and The Masters Of The Universe” filminin canlı adaptasiyasında General Duncan obrazını canlandırmaq üçün danışıqlar aparır.
Amazon MGM Studios-un yeni layihəsində Nikolas Qalitzine Evil Lin rolunu oynayan Alison Brienin müşayiəti ilə He-Man rolunu canlandırır.
30 yaşlı Qalitzine "The Idea of You" filmində Anna Hatavayla birlikdə rol alıb və pop ulduzu Hayes Kampbell rolunu oynayıb.
“Community” komediya serialında Enni Edison obrazını canlandıran 41 yaşlı Bri 2017-2019-cu illərdə yayımlanan GLOW filmində rol alıb.
Filmdə Tili, yeniyetmələr üçün “Riverdale” serialında Veronica Lodge rolu ilə tanınan 30 yaşlı Kamila Mendes tərəfindən canlandırılır.
“ParaNorman” ilə də tanınan Kris Butler tərəfindən yazılmış “Masters of the Universe” filminin prodüserləri Todd Black, Ceyson Blumenthal, Robbi Brenner və Stiv Tizdir.
Elba hazırda Netflix üçün ikiqat Oskar mükafatı laureatı Katrin Bigelounun rejissorluğu ilə Ağ Evdə çəkilən triller üzərində işləyir.
Britaniyalı aktyor 2023-cü ildə “Extraction 2” və “Luther: The Fallen Sun” filmində çəkilib.
Elbanın baş rolda oynadığı “Hijack” triller serialının da premyerası ötən il baş tutub.
“Hollywood Reporter”in məlumatına görə, “Masters of the Universe” filminin 2026-cı il iyunun 5-də ekranlara çıxması planlaşdırılır.
