ABŞ-ın yeni seçilmiş prezidenti Donald Trampın keçid komandası və ABŞ-ın hazırkı prezidenti Co Baydenin administrasiyası mümorandum imzalayıb.
APA xəbər verir ki, memorandum hazırkı administrasiyanın işləri tam şəkildə respublikaçıların nümayəndələrinə təhvil verməsi ilə bağlıdır.
"Gələcək administrasiyası üçün seçim prosesinin başa çatması ilə yeni seçilmiş prezident Tramp, prezident Co Baydenin Nazirlər Kabineti ilə anlaşma memorandumunu həyata keçirməklə yeni mərhələyə qədəm qoyur. Bu razılaşma Nazirlər Kabineti vəzifələrinə irəli sürülmüş şəxslərə hər bir departament və agentliyə Trampın komanda üzvlərinin göndərilməsi daxil olmaqla, kritik hazırlıqlara başlamağa və hakimiyyətin nizamlı şəkildə keçidini tamamlamağa imkan verir”, - Tramp administrasiyası zamanı Ağ Evə rəhbərlik edəcək Syuzan Uaylz bildirib.
