NATO Parlament Assambleyasının Ukrayna ilə bağlı qəbul etdiyi qətnamə müsbət addım hesab edilir, çünki bu, xüsusilə Ukrayna tərəfinin orta mənzilli raketlərlə gücləndirilməsini nəzərdə tutur. Bu qətnamə tövsiyə xarakteri daşıyır və məcburi icra edilməli deyil.
Qaynarinfo xəbər verir ki, bu barədə "RBK-Ukrayna" YouTube kanalına müsahibəsində "Ukrayna-NATO" İctimai Liqasının rəhbəri Sergey Cerj məlumat verib.
Sergey Cerj bildirib ki, NATO Parlament Assambleyası daha çox üzv dövlətlərin və tərəfdaşların deputatları üçün bir platformadır. Onun sözlərinə görə, Assambleya üzvlərinin fikirləri əhəmiyyətli ola bilər, çünki öz ölkələrinin qanunvericilik orqanlarında onlar həmkarlarını Ukraynanın orta mənzilli raketlərlə gücləndirilməsinin vacibliyinə inandıra bilərlər.
Lakin ekspert qeyd edir ki, Ukraynaya belə silahların verilməsi ilə bağlı konkret və sürətli qərarların qəbul ediləcəyini gözləmək lazım deyil:
"Bildiyimə görə, qətnamədə Ukraynaya 1-2,5 min kilometr mənzilə malik ballistik və orta mənzilli raketlərin ötürülməsi haqqında danışılıb. Məncə, burada ümumiyyətlə orta mənzilli raketlər nəzərdə tutulub. "Tomahawk” adətən dəniz bazalıdır, lakin ABŞ-ın quru bazalı analoqu ola bilər", - o deyib.
Qeyd edək ki, 26 noyabrda NATO Parlament Assambleyası Ukraynaya yardım haqqında qətnamə qəbul edib. Bu sənəddə Ukraynaya orta mənzilli raketlər verilməsi və ölkənin NATO-ya üzv olması üçün dəstək göstərilməsi təklif olunur. Eyni zamanda, Ukraynaya Rusiya hərbi hədəflərinə zərbə endirməklə bağlı icazə verilməsinin vacibliyi vurğulanıb.
Noyabr ayının əvvəlində Prezident Vladimir Zelenski ukraynalılara Rusiyaya qarşı qələbə planını təqdim edib. Sənədin ilk bəndində məqsədə nail olmaq üçün Ukraynanın NATO-ya üzvlüklə bağlı dəvət almasının zəruriliyi qeyd olunub.
Alpər
