Bloomberg xəbər verir ki, Avropa Ukrayna böhranı başlayandan bəri ən soyuq qışa hazırlaşır və bu, regionu onsuz da yüksək enerji qiymətlərinin artmasına gətirib çıxaracaq. Agentlik qeyd edir ki, Avropa indi öz qaz ehtiyatlarını həmişəkindən daha tez tükəndirir.Avropa Orta Mənzilli Hava Proqnozları Mərkəzinin məlumatına görə, 2024-cü ilin noyabr ayının sonundan 2025-ci ilin martına qədər temperatur son iki ildə müşahidə olunan səviyyədən xeyli aşağı qalacaq. Maxar Technologies hesab edir ki, bu, Ukraynada münaqişə başlayandan bəri istilik tələbini ən yüksək həddə çatdıracaq.
Sinoptiklər bildirirlər ki, qarşıdan gələn qışda, son iki ildə olduğu kimi, Avropada temperatur mövsümi normadan yuxarı qalacaq. Bununla belə, qitə hava şoklarına qarşı həssas olaraq qalır. Soyuq qış onsuz da yüksək olan qaz və elektrik qiymətlərinə təzyiq göstərəcək. Bu, yanvarın 1-dən etibarən, temperaturun adətən ən aşağı səviyyəyə düşdüyü vaxtdan etibarən Rusiya qazının Ukrayna ərazisindən tranzitinin dayandırılması ilə üst-üstə düşə bilər.
Bloomberg qeyd edir ki, noyabr ayında soyuq və küləkli hava artıq Avropa anbarlarından qazın daha sürətli çıxarılmasına səbəb olub. Rusiya ilə Ukrayna arasında münaqişənin kəskinləşməsi Avropa üçün enerji risklərini artırır.

aia.az
Tərcümə şöbəsi

• Avropa
• Soyuq Qış
• Şimal Müharibəsi