2024-cü ilin yanvar-oktyabr aylarında Yunanıstandan Türkiyə limanlarına 7 milyon 284 min 727 ton yük daşınıb.
Fins.az xəbər verir ki, bu barədə Türkiyənin Nəqliyyat və İnfrastruktur Nazirliyindən məlumat verilib.
Bu müddət ərzində Türkiyə bayrağı altında üzən gəmilər Yunanıstandan 730 min 534 ton yük daşıyıb, digər dövlətlərin bayrağı altında üzən gəmilərlə isə 6 milyon 357 min 811 ton yük daşınıb. Yunanıstan bayrağı ilə üzən gəmilərlə daşınan yükün həcmi isə 196 min 382 ton olub.
Həmçinin, 2024-cü ilin oktyabr ayında Türkiyə limanları ümumilikdə 30 milyon 655 min 349 ton yük qəbul edib. Bu dövr ərzində Türkiyə bayrağı altında gəmilərlə daxili limanlara 2 milyon 474 min 937 ton yük qəbulu baş verib, digər ölkələrin bayraqları altında gəmilərlə isə 30 milyon 180 min 412 ton yük daşınıb. Oktyabr ayında Türkiyə limanlarından 5 milyon 742 min 347 ton transit yük daşınıb.
2024-cü ilin yanvar-oktyabr aylarında Türkiyə limanları ümumilikdə 331 milyon 349 min 368 ton yük qəbul edib, bunun 25 milyon 93 min 787 tonu Türkiyə bayrağı altında olan gəmilərlə daşınıb, 306 milyon 255 min 581 ton isə digər ölkələrin bayraqları altında gəmi ilə daşınıb. Bu dövr ərzində Türkiyə limanlarından 57 milyon 567 min 755 ton transit yük daşınıb.
Fuad Mədətov
Fins.az
