Ölkədə əsas problemlərdən biri qeyri-qanuni miqrasiyanın artmasıdır. Xaricilərə nəzarət gücləndirilməlidir. Bu açıqlama ilə Senatın deputatı Bibiqul Jeksenbay çıxış edib.
Deputatın istinad etdiyi statistikaya görə, 2024-cü ildə qanunları pozan xarici vətəndaşların sayı xeyli artıb.
“Təkcə bu il 82 mindən çox miqrant inzibati məsuliyyətə cəlb edilib, 1,2 minə yaxın işəgötürən xaricdən gələn işçi qüvvəsindən qeyri-qanuni istifadə edib. Saxta sənədlərdən istifadə və miqrantların “rezin” mənzillərdə qeydiyyata alınması xüsusi narahatlıq doğurur. Almatıda və ölkənin digər bölgələrində minlərlə xarici vətəndaşların, o cümlədən dövlət qurumlarının əməkdaşlarının iştirakı ilə saxta qeydiyyata alınması halları müəyyən edilib”, - deyə Jeksenbay deputat müraciətində qeyd edib.
Deputat Əmək və Əhalinin Sosial Müdafiəsi Nazirliyinin məlumatlarına istinad edərək bildirib ki, Qazaxıstanda rəsmi olaraq 13,2 min əcnəbi işləyir. Lakin onların əksəriyyətinin lazımi iş icazəsi yoxdur ki, bu da milli təhlükəsizlik üçün risklər yaradır və əmək bazarında tarazlığı pozur.
Jeksenbayın fikrincə, qloballaşma və artan miqrasiya axınları şəraitində Qazaxıstan xarici vətəndaşların hərəkətinə nəzarəti gücləndirməli, əmək miqrantlarının leqallaşdırılması sistemini inkişaf etdirməli və qeyri-qanuni miqrasiyanı və əmək resurslarının istismarını təşkil edənlərə qarşı cəzaları sərtləşdirməlidir.
Oxuməni.az
