Rusiya Prezidenti Vladimir Putin keçmiş Almaniya kansleri Angela Merkelin Kremlin xatirələrində təsvir etdiyi hadisə ilə bağlı üzrxahlıq edib.
Musavat.com-un məlumatına görə, Putin bildirib ki, Merkelin itlərdən qorxduğunu bilmirdi və məqsədi onu qorxutmaq deyildi. "Əgər bunu bilsəydim, heç vaxt belə etməzdim. Əksinə, məqsədim rahat və xoş bir atmosfer yaratmaq idi," - deyə Putin qeyd edib.
Merkel məmulatlarında Kremlin görüşlərindən birində Putinin iti Koni ilə birlikdə olduğunu və bu vəziyyətin onda qorxu hissi yaratdığını yazıb. O vaxt Merkel belə düşünürdü ki, Putin bu addımı onu qəsdən qorxutmaq üçün atıb.
Putinin üzrxahlığı illər əvvəl baş vermiş bu hadisənin təsirini aradan qaldırmaq məqsədi daşıyır.
Musavat.com
