Olaylar.az xəbər verir ki, bu barədə Rusiya xarici işlər nazirinin müavini Sergey Ryabkov məlumat verib. Onun sözlərini TASS agentliyi yayımlayıb.
Ryabkov bu fikirləri Ukrayna Silahlı Qüvvələrinin Qərb raketləri ilə Rusiyanın daxilinə zərbələr endirməsi fonunda səsləndirib. O, Moskvadan verilən xəbərdarlıqlara baxmayaraq, hücumların davam etdiyini vurğulayıb. Lakin diplomatın sözlərinə görə, Kiyev rejimi bu hücumlarda heç bir uğur əldə edə bilmir.
"Hava hücumundan müdafiə sistemləri effektivdir, baş verənləri özünüz görürsünüz. Bizim rəqiblərimizi başa salmaq üçün genişmiqyaslı əks-təsir vasitələrimiz var, çünki onlar başqa arqumentləri anlamırlar", - deyə Ryabkov bildirib.
O əlavə edib ki, hazırda Rusiya və Qərb arasındakı münasibətlər ciddi problemlərlə üzləşib. Moskvanın sözləri eşidilir, lakin dinlənilmir. Buna görə də, Rusiyanın başqa vasitələrdən istifadə etməkdən başqa çıxış yolu qalmır.
"Qərbdə bizi eşidirlər, amma dinləmək istəmirlər. Əsas problem də bundadır. Bu hücumlara qarşı mübarizə aparmaq üçün bütün zəruri vasitələrimiz var", - deyə diplomat fikrini yekunlaşdırıb.
