Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 15-ci turuna yekun vurulacaq.
Arena.az xəbər verir ki, sonuncu oyun günündə bir qarşılaşma baş tutacaq.
Turun qapanış matçında milli çempionatımızın daimi iştirakçısı olan iki komanda – “Qarabağ” və “Neftçi” üz-üzə gələcəklər. “Neftçi Arena”da baş tutacaq oyunu FİFA referisi Əliyar Ağayev idarə edəcək.
Ağdam klubu bu turda əldən verdiyi liderliyi geri qaytarmaq üçün əzəli rəqibinə səfərdə mütləq qalib gəlməlidir. Əks halda “Araz-Naxçıvan” 15-ci turu elə lider kimi başa vuracaq. Ötən tur “Zirə”yə qalib gəlmiş “Neftçi” isə uğurun davamını son çempionla oyunda da davam etdirmək arzusundadır.
Əzəli rəqiblər 97-ci dəfə üz-üzə gələcəklər. Əvvəlki 96 oyunda “Neftçi” 23, “Qarabağ” 42 qələbə qazanıb, 31 matç “sülh”lə yekunlaşıb. Top fərqində də “Neftçi” “Qarabağ”a uduzur – 84:133.
Sonuncu Azərbaycan derbilərində “Qarabağ” ardıcıl 6 qələbə qazanıb. “Neftçi” 13 görüşdür bu rəqibinə qalib gəlmir.
Premyer Liqa
15-ci tur
29 noyabr
“Araz-Naxçıvan” – “Turan Tovuz” 1:0
Qol: Felipe Santos, 75.
Hakimlər: Cavid Cəlilov, Kamran Bayramov, Müslüm Əliyev, Nicat İsmayıllı.
VAR: Rauf Cabbarov.
AVAR: Eyyub İbrahimov.
Hakim-inspektor: İmanxan Sultani.
Mərdəkan. “Dalğa Arena”. 16:00.
“Sabah” – “Səbail” 1:0
Qol: Coy Lens Mikels, 29.
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.
VAR: Rauf Allahverdiyev.
AVAR: Rəhman İmami.
Hakim-inspektor: Ramil Diniyev.
“Masazır Arena”. 19:00.
30 noyabr
“Şamaxı” – “Kəpəz” 0:1
Qol: Luis Paçu, 69.
Hakimlər: İnqilab Məmmədov, Zöhrab Abbasov, Rahil Ramazanov, Əkbər Əhmədov.
VAR: Tural Qurbanov.
AVAR: Teymur Teymurov.
Hakim-inspektor: Əmrah İbrahimov.
Şamaxı şəhər stadionu. 14:30.
“Zirə” – “Sumqayıt” 4:1
Qollar: Davit Volkov, 8; 66; 76. Georgi Papunaşvili, 55 – Nikola Vuynoviç, 36.
Hakimlər: Rəşad Əhmədov, Vüsal Məmmədov, Rəhman İmami, Elvin Bayramov.
VAR: Nicat İsmayıllı.
AVAR: Asiman Əzizli.
Hakim-inspektor: Ceyhun Haşımov.
Zirə İdman Kompleksinin stadionu. 17:00.
1 dekabr
19:00. “Neftçi” – “Qarabağ”
Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev.
VAR: Kamal Umudlu.
AVAR: Elşad Abdullayev.
Hakim-inspektor: Asim Xudiyev.
Bakı. “Neftçi Arena”.
