Azərbaycan fiqurlu konkisürənləri Macarıstanda keçirilən beynəlxalq turnirdə iştirak ediblər.
İdman.biz xəbər verir ki, Santa Klaus kubokunda iki duetimiz buz üzərində rəqslərdə mübarizə aparıb.
Samanta Ritter və Daniel Brikalov dueti iki proqramın yekununda 143,54 xal toplayıb. Ritmik rəqsdə 10-cu, sərbəst rəqsdə 8-ci olan təmsilçilərimiz ümumi hesabda 9-cu yerlə kifayətləniblər.
Maksin Uiterbi və Aleksandr Kolosovski dueti isə 133,87 xal yığıb. Onlar həm hər iki rəqsdə, həm də yekunda 11-ci olublar.
Qeyd edək ki, mükafatlar uğrunda 11 duet mübarizə aparıb.
İdman.biz
