1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İtaliya A seriyasının XIV turunun "İnter"lə matçında huşunu itirərək yerə yıxılan "Fiorentina"nın futbolçusu Edoardo Bovenin son durumu bəlli olub.
Oxu.Az klubun mətbuat xidmətinə istinadən xəbər verir ki, 22 yaşlı futbolçu Edoardo Bove yerli xəstəxananın Reanimasiya şöbəsinə hospitalizasiya edilib.
"Bənövşəyilər"in oyunçusu Təcili yardım şöbəsinə stabil hemodinamik vəziyyətdə çatdırılıb və ilkin kardioloji və nevroloji testlər mərkəzi sinir sistemi və kardiotənəffüs sistemində kəskin zədələrin olmadığını təsdiqləyib.
Edoardo Bovenin vəziyyəti növbəti 24 saat ərzində yenidən qiymətləndiriləcək.
O, daha əvvəl də ürəyinin dayanmasına və huşunu itirməsinə səbəb olan epileptik tutma keçirib. Hazırda futbolçunun səhhətinin qənaətbəxş olduğu bildirilib.
Qeyd edək ki, bu hadisədən sonra baş hakim Daniele Doveri hər iki tərəflə müzakirə apararaq "Fiorentina" - "İnter" qarşılaşmasını yarımçıq dayandırıb.
