Meksikanın Quanaxuato ştatının Apaseo-esl-Qrande şəhərində cinayətkarlar yol kənarındakı kafeyə hücum ediblər.
Avtosfer.az xəbər verir ki, bu barədə "N+" telekanalı məlumat verib.
Məlumata görə, cinayətkarlar El-Trebol rayonunda yerləşən yol kənarındakı kafeyə və ona bitişik mağazalara atəş açıblar. Nəticədə 8 nəfər həyatını itirib ki, onların arasında iki yanğınsöndürən və təcili yardım həkimi də olub, iki nəfər isə xəsarət alıb və onlar xəstəxanaya yerləşdiriliblər.
Qeyd edilib ki, silahlı şəxslər lüks ağ avtomobildə olublar və heç bir söz demədən dərhal atəş açıblar. Daha sonra isə hadisə yerindən qaçıblar.
Hadisə ilə bağlı araşdırmalar davam edir.
