Ekvadorun cənubunda yerləşən El Oro əyalətində silahlı hücum nəticəsində ekvadorlular və kolumbiyalılar da daxil olmaqla azı 10 nəfər ölüb.Missiya.Az xəbər verir ki, silahlılar icarəyə götürülmüş evdə yatan insanlara fərq qoymadan atəş açıblar.Polisin ilkin araşdırmalarına əsasən, hücum mütəşəkkil cinayətkar qruplar arasında davam edən münaqişələrlə bağlı ola bilər. El Oro əyalətində zorakılıq və qeyri-sabitliyin kəskin artması fonunda oktyabrın 3-dən fövqəladə vəziyyət rejimi tətbiq olunur. İkiaylıq tədbir ölkənin digər yeddi bölgəsini, o cümlədən artan cinayətkarlıqla mübarizə aparan paytaxt Kitonu da əhatə edir. İlin əvvəlindən başlayaraq, Ekvadorda qətllər, insan oğurluğu kimi ağır cinayətlər daxil olmaqla zorakılıq halları xeyli artıb.Buna cavab kimi Prezident Daniel Noboa yanvar ayında ölkədə “terrorçu” kimi təsnif olunan 22 cinayətkar qrupa qarşı “daxili silahlı qarşıdurma” rejimi elan edib.
Zərintac MayisqızıMissiya.Az
