Çinin ənənəvi Li tekstil texnikaları, Çianq yeni il festivalı və taxta tağ körpüləri Birləşmiş Millətlər Təşkilatının Təhsil, Elm və Mədəniyyət Təşkilatının (YUNESKO) Bəşəriyyətin Qeyri-Maddi Mədəni İrsinin Təmsili Siyahısına əlavə edilib.UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin Paraqvayın paytaxtı Asunsionda keçirilən 19-cu sessiyasında Çindən olan 3 element təmsilçi siyahısına daxil edilib.Li tekstil texnikaları Çinin cənubundakı Hainan adasında yaşayan Li etnik qrupunun əyirmə, boyama, toxuculuq və tikmə kimi ənənəvi toxuculuq təcrübələrinə istinad edir.Çianq yeni il festivalı ölkənin qərbindəki Sıçuan əyalətində yaşayan Çianq etnik qrupunun ənənəsidir. Ənənəvi qəməri təqviminə görə 10-cu ayın ilk günü qeyd olunan festival animistik elementləri ehtiva edən şoular və nəzir mərasimləri ilə unikal məhsul bayramıdır.Təxminən 1000 il əvvəl Sonq sülaləsi dövründə ortaya çıxan ənənəvi Çin taxta tağlı körpü tikintisi sənəti, orta sütunları dəstəkləmədən, su üzərində bir tağ yaratmaq üçün ağac kötüklərindən çay körpülərinin tikildiyi dizayn və tikinti təcrübələrini ehtiva edir.Hər üç mədəniyyət elementi əvvəllər 2009-cu ildə “Təcili Qorunması Tələb olunan Qeyri-Maddi Mədəni İrs Siyahısı”na daxil edilib.
