Suriya hökumət qüvvələri Homs əyalətinin mərkəzi hissəsində yerləşən Palmiradan geri çəkilib və “Azad Suriya Ordusu” adlandırılan bölmələr şəhərə daxil olub.
Ucnoqta.az xəbər verir ki, bu barədə Qətərin “Əl-Cəzirə” telekanalı məlumat yayıb.
Məlumata görə, silahlı qruplar hərbçilərin istifadə etdiyi silah anbarlarını ələ keçirə bilib.
Bundan əlavə, telekanalın məlumatına görə, yaraqlılar Homs əyalətinin cənubundakı strateji əhəmiyyətli Cebel əl-Qurab ərazisinə nəzarəti ələ keçiriblər.
Bundan əvvəl “Al Hadath” telekanalı bu ərazinin Azad Suriya Ordusunun nəzarətinə keçdiyi barədə məlumat vermişdi.
