Vaşinqton, 9 dekabr, AZƏRTAC
Biz Suriyadakı bütün qruplarla işləyəcəyik.
AZƏRTAC-ın məlumatına görə, bu sözləri Ağ evin milli təhlükəsizlik üzrə müşaviri Ceyk Sallivan deyib. O bildirib ki, ötən gün Prezident Cozef Baydenin də dediyi kimi, Suriyadakı müxtəlif qruplar, o cümlədən terrorçu kimi tanınan qruplar əslində bütün doğru sözləri deyiblər. “İndi sual ondan ibarətdir ki, onlar daha yaxşı bir Suriya yaratmaq üçün nə edəcəklər”,- deyə Sallivan əlavə edib.
O, Bəşər Əsədin getməsini yaxşı hadisə adlandırıb və rejimin devrilməsinin irəlidə nələrin olacağı ilə bağlı risk və qeyri-müəyyənlik yaratdığını əlavə edib: “Suriyada daha yaxşı rejimin qurulması ilə bağlı imkanlar var, lakin ABŞ-da terrorçular, cihadçılar və digər insanların bundan istifadə edə biləcəyinə dair narahatlıq mövcuddur. Biz Suriyada sabit, inklüziv və demokratik gələcək istəyən hər kəslə işləməyə hazırıq”.
Vaşinqton
