İranın xarici işlər naziri MAQATE ilə əməkdaşlığı davam etdirməyə hazır olduğunu bildirib...
Poliqon xəbər verir ki, İranın xarici işlər naziri Abbas Əraqçı Beynəlxalq Atom Enerjisi Agentliyinin (MAQATE) baş direktoru Rafael Qrossi ilə telefon danışığında Tehranın İranın nüvə proqramı ətrafında yaranmış vəziyyəti nizamlamaq üçün agentliklə əməkdaşlığa hazır olduğunu bildirib.
İslam Respublikasının Xarici İşlər Nazirliyinin bəyanatında qeyd edilir ki, Əraqçı MAQATE-nin Rəhbərlər Şurasının bəzi üzvlərinin qeyri-konstruktiv hərəkətlərini tənqid edib və əlavə edib ki, buna görə baş direktorun səyləri uğursuzluqla nəticələnib.
İran XİN rəhbərinin sözlərinə görə, Agentliyin rəhbəri Tehrana son səfəri zamanı Nüvə Silahlarının Yayılmaması Müqaviləsinə əsasən, İran və MAQATE arasında təhlükəsizlik tədbirləri haqqında sazişə əməl olunması məsələlərinin həllində irəliləyiş əldə etməyə çalışıb, lakin MAQATE-nin Rəhbərlər Şurasının bəzi üzvləri bu səyləri pozub.
Əraqçi vurğulayıb ki, İran bu addımlara qətiyyətlə cavab verəcək, buna baxmayaraq, Agentliklə texniki çərçivə çərçivəsində konstruktiv əməkdaşlığa hazırdır.
Poliqon.info
