“Qroyter Fyurt”la səfər oyundan əvvəl bizə çətin oldu, amma qələbə qazanmağı bacardıq”.
İdman.biz xəbər verir ki, bunu "Nürnberq"in futbolçusu Mahir Emreli deyib.
Azərbaycan millisinin futbolçusu Almaniya mətbuatına açıqlamasında bildirib ki, Almaniya II Bundesliqasında uğursuz səfər seriyasına son qoymağı hədəfləyiblər. O, 6 tur öncə “Qroyter Fyurt”lə görüşdəki qələbəni (4:0) 16-cı turda “Köln”lə dueldə də təkrarlamaq arzusundadır: “Rahat tətil keçirmək üçün bizə hələ də xallar qazanmaq lazımdır. Növbəti iki qarşılaşmda maksimum nəticə - qələbə vacibdir. Bunun üçün də mübarizə aparacağıq”.
Qeyd edək ki, Mahir Emreli Almaniyada meydana çıxdığı 10 oyunda 3 qol, 1 assistlə yadda qalıb.
"Nürnberq" dekabrın 15-də, XVI turda "Köln", dekabrın 21-də, XVII turda isə "Ayntraxt"la (Braunşveyq) oynayacaq.
İdman.biz
