Azərbaycan Dövlət İqtisad Universitetinin UNEC İnnovativ Gənclər Təşkilatı “Google Developer Groups” (GDU) ilə tərəfdaş olub.
“İki sahil” xəbər verir ki, əməkdaşlıq çərçivəsində UNEC tələbələri GDG Azərbaycan tərəfindən təşkil olunan tədbirlərdə iştirak etmək, eləcə də, texnoloji yeniliklər və trendlər barədə biliklərini artırmaq imkanı əldə edəcəklər.
Həmçinin “Google”un proqramçılar və texnologiya həvəskarları üçün təşkil etdiyi qlobal şəbəkə ilə əməkdaşlıq tələbələrə mühüm beynəlxalq layihələrdə iştirak etmək, komanda işində təcrübə qazanmaq və innovativ həllər üzərində işləmək şansı verəcək, onlara qlobal texnologiya icmaları ilə tanış olmaq fürsəti yaradacaq.
