ABŞ tezliklə Rusiya neftinin satışı ilə bağlı məhdudiyyətlərini sərtləşdirə bilər.
Sfera.az xəbər verir ki, bu barədə “Bloomberg” məlumat yayıb. Məlumata görə, Vaşinqton hazırda İran neftinə qarşı tətbiq edilən sanksiyalara bənzər sanksiyaların mümkünlüyünü düşünür.
Bu halda, ABŞ-nin məhdudlaşdırıcı tədbirləri Rusiya neftinin alıcılarını da hədəfə alacaq. “Bloomberg” deyib ki, bu addım risklə doludur, çünki Rusiya neftinin istehlakçıları arasında Hindistan və Çin kimi güclü ölkələr var.
Hesabatda deyilir ki, nəticədə bu cür məhdudiyyətlər neft qiymətlərini yüksəldə bilər və qlobal iqtisadi gərginliyə səbəb ola bilər.
Bundan başqa, ABŞ administrasiyası Rusiya neftini daşıdığı iddia edilən tanker donanmasına qarşı sanksiyaların tətbiqi imkanlarını da araşdırır.
Firuzə Əliyeva
Sfera.az
