Bakı, 11 dekabr, AZƏRTAC
Bu gün UEFA Avropa Liqasında VI tura start veriləcək.
AZƏRTAC xəbər verir ki, açılış oyunu Türkiyədə keçiriləcək. “Fənərbağça” İspaniyanın “Atletik” klubunu qəbul edəcək. Qarşılaşma Bakı vaxtı ilə saat 19:30-da başlayacaq.
Beş turdan sonra Bilbao təmsilçisi 13 xalla 2-ci, İstanbul nəhəngi isə 8 xalla 15-cü pillədə qərarlaşıb.
Qeyd edək ki, Avropa Liqasında VI turun digər oyunları dekabrın 12-13-də reallaşacaq.
